754 shaqyrym temirjol salynyp jatyr – Kólik mınıstri
ASTANA.KAZINFORM – QR Kólik mınıstri Nurlan Saýranbaev Úkimet otyrysynda kólik salasynyń qazirgi jaǵdaıy men damý josparlary jóninde málimdeme jasady.
Ol kólik salasy turaqty ósimdi kórsetip otyrǵanyn jáne ekonomıkanyń qozǵaýshy kúshteriniń biri ekenin atap ótti.
– Sońǵy 5 jylda kólik salasynyń jalpy ónimi 3 ese ósti. Bıyl kórsetkishti 14,3 trln teńgege jetkizý josparlanǵan, — dedi Nurlan Saýranbaev.
Sondaı-aq, onyń sózinshe, temirjol jelisiniń ótkizý qabiletin arttyrý maqsatynda 754 shaqyrym jańa jol salynyp jatyr. Al 3 myń shaqyrym joldy jańǵyrtý jumystary aıaqtalady.
Atap aıtqanda, Bıyl Moıynty – Qyzyljar, Darbaza – Maqtaaral temirjol jelileriniń qurylysy aıaqtalady.
– Sonymen birge, birqatar jańa jobaǵa kirisip jatyrmyz, onyń ishinde Astana – Qaraǵandy baǵytynda úshinshi joldardy jáne Arys – Qazaly ýchaskesinde ekinshi joldardy salý bar. Jáne Qyzyljar – Shubarkól – Esil jáne Inderbor – Maqat baǵyttaryn jańǵyrtý josparlanǵan. Qosymsha Inderbor – Oral jáne Qaraǵandy – Qaraǵaıly jobalaryna daıyndyq jumystaryna kirisip jatyrmyz, — dedi Nurlan Saýranbaev.
Aıta keteıik, buǵan deıin elde jańǵyrtýdan keıin 30 temirjol vokzaly ashylǵanyn jazǵanbyz.
