752 oqýshydan koronavırýs anyqtaldy - Nur-Sultannyń bas sanıtar dárigeri
NUR-SULTAN. QazAqparat – Elordada 752 oqýshydan koronavırýs anyqtaldy. Bul týraly Nur-Sultan qalasynyń Bas memlekettik sanıtarlyq dárigeri Sarhat Beısenova aıtty, dep habarlaıdy QazAqparat tilshisi.
«2020 jyldyń 1 aqpanyndaǵy derekterge sáıkes, mektep oqýshylary arasynda 752 koronavırýs jaǵdaıy tirkeldi. Onyń ishinde 56-sy kezekshi synyp oqýshylary, 596 jaǵdaı qashyqtan oqıtyn oqýshylar arasynda anyqtaldy», - dedi ol Ortalyq kommýnıkatsııalar qyzmetindegi baspasóz máslıhatynda.
Bas memlekettik sanıtarlyq dárigerdiń aıtýynsha, oqý jyly bastalǵannan beri elordada 76 mektep karantınge jabylǵan. Búginde koronavırýstyń oqýshylar arasynda shyǵýyna baılanysty 21 mektep oqýdy qashyqtan ótkizip jatyr.
Aıta keteıik, 2021 jyldyń qańtar aıynyń basynan beri elordada koronavırýs ınfektsııasynyń 3 763 jaǵdaıy tirkeldi.
