75 jastaǵy turǵyn óz úıinde bomba qoıyldy dep habarlap, eldi dúrliktirdi - BQO
ORAL. QazAqparat - 22 qazan kúni saǵat 16.40-ta Zelenov aýdany Trekın aýylynyń turǵyny Prıýral polıtsııa bólimine óz úıine bomba qoıylǵany jóninde habar bergen.
BQO ishki ister departamenti baspasóz qyzmetinen túsken málimetke qaraǵanda, aýdandyq ishki ister bóliminiń jedel tergeý toby men departamenttiń ekstremızmge qarsy kúres basqarmasynyń qyzmetkerleri qaýipsizdik sharalaryn qoldana otyryp, avtokólik jolyn japqan. Oǵan qosa alty úıden otyz shaqty adamdy kóshirgen.
Kóp uzamaı jalǵan qońyraý shalǵan osy aýyldyń 75 jasar turǵyny anyqtalyp, ustaldy. Qazirgi kezde tergeý amaldary júrgizilýde.
Aıta keteıik, lańkestik aktisi týraly jalǵan habarlama bergeni úshin jaza bıyldan bastap qatańdatylǵany belgili. Endi mundaı qadamǵa barǵandar QR QK 273-babyna sáıkes 6 jylǵa deıin bas bostandyǵynan aıyrylady.
