75 mln teńge para almaq bolǵan «Almaty Sý» ókili 5 jylǵa sottaldy
ASTANA. KAZINFORM – «Almaty Sý» bas dırektordyń orynbasary – departament basshysy Maqsat Joldybaev 75 mıllıon teńgeni urlaýǵa oqtalǵany úshin 5 jylǵa sottaldy. Bul týraly QR Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev málim etti
- Іs tergelip, sotta qaraldy. Tipti, kásipkerden 75 mıllıon teńge almaq boldy degen aıyp taǵylǵanymen, shartty túrde 5 jylǵa bas bostandyǵynan aıyrylǵany BAQ betterinde jarııalandy. Qadaǵalaý organynyń (prokýratýranyń) narazylyǵy boıynsha apellıatsııalyq shaǵym jasalyp, úkim ózgertildi. Oǵan naqty 5 jyl bas bostandyǵynan aıyrý jazasy berildi. Ol sot zalynda qamaýǵa alyndy, - dedi D. Quraqbaev Senatta tilshiler suraǵyna jaýap bere otyryp.
Eske salsaq, byltyr sáýir aıynda Sybaılas jemqorlyqpen kúres agenttigi Almaty qalasy boıynsha departamenti aýyr qylmys jasady degen kúdikpen «Almaty Sý» ShJQ MKK bas dırektorynyń orynbasaryn ustady.
Ol jergilikti kásipkerden oryndalǵan jumystardyń aktilerine qol qoıǵany jáne jasalǵan memlekettik satyp alý sharttary boıynsha aqshalaı qarajat tólegeni úshin 345 mln teńge kólemindegi buryn kelisilgen somadan 75 mln teńge alǵan.