75 dollarlyq planshetti kompıýterler tanystyryldy
ASTANA. Jeltoqsannyń 28-i. QazAqparat - «One Laptop Per Child» («Ár balaǵa bir-bir kompıýterden») halyqaralyq jobasy óziniń júz dollarlyq noýtbýginiń, bul jolǵy quny 75 dollarlyq, úshinshi modelin tanystyrdy,
dep habarlaıdy QazAqparat Lenta.rý saıtyna silteme jasap.
Bul maıysqaq sensorly ekrany jáne 8 ıadrolyq gıgagertstik protsessory bar planshetti sý ótkizbeıtin plastıkalyq kompıýter 2012 jyly shyǵarylýy múmkin.
Onyń negizin qalaýshy professor Nıkolas Negroponte (Nicholas Negroponte) jobanyń tehnıkalyq erekshelikteri týraly aıta kelip, XO-3 sensorlyq ekrannyń mólsheri 8,5h11 dıýımdi quraıtynyn, al planshettiń ózi elektr energııasyn 1 vattan da az tutynatynyn, iPhone -den eki ese juqa bolatynyn habarlady.
Negroponteniń aıtýynsha, túptep kelgende bul planshettiń shyǵarylatyny basty maqsat emes, eń bastysy - onyń shyǵý qaýpiniń ózi kompıýter ındýstrııasynyń ókilderin óz ónimderine degen baǵany tómendetýge májbúr etetin bolady.
