75 azamatqa mádenıet salasyndaǵy memlekettik stıpendııa tabystaldy

ALMATY. QazAqparat – Búgin Almaty qalasynda mádenıet jáne óner qaıratkerlerine memlekettik stıpendııany saltanatty túrde tabystaý rásimi ótti. Bul jaıynda Memlekettik keńesshi Erlan Qarın óziniń áleýmettik jelidegi resmı paraqshasynda jazdy, dep habarlaıdy QazAqparat tilshisi.

«Búgin Almatyda zııaly qaýym ókilderimen kezdesip, 2022 jylǵy mádenıet salasyndaǵy memlekettik stıpendııany saltanatty túrde tabystaý rásimine qatystym. Memlekettik stıpendııa mádenıet pen óner qaıratkerlerine, shyǵarmashyl tulǵalarǵa jáne jastarǵa elimizdiń rýhanııatyn qalyptastyrýǵa, damytýǵa qosqan úlesi úshin beriledi. Bıyl 75 azamat atalǵan marapatqa ıe boldy», - dep jazdy Memlekettik keńesshi Іnstagram paraqshasynda.

Eske sala keteıik, buǵan deıin Memleket basshysy 2022 jyly mádenıet salasyndaǵy memlekettik stıpendııany berý týraly Jarlyqqa qol qoıǵan bolatyn.

Oǵan sáıkes, memlekettik stıpendııa 31 ádebıet jáne 37 óner qaıratkerine beriledi.