74 jastaǵy qazaqstandyq saıahatshy Qytaı astanasyna jaıaý jetti

ASTANA.KAZINFORM – Tamyz aıynyń basynda qazaqstandyq Sársenbaı Qotyrashov Qazaqstannan Qytaıǵa jaıaý saparyn bastady. Ataqty saıahatshy búgin myńdaǵan shaqyrym jol júrip, Qytaı astanasy – Beıjiń qalasyna jetti. 

Aqsaqal úshinshi joryq saparyn Shyǵys Qazaqstan oblysynan Altaı men Mońǵolııa arqyly Qytaıǵa bastady. Qyrkúıektiń aıaǵynda Mońǵolııa-Qytaı shekarasynan ótip, qazan aıynyń basynda Beıjińge jetti. 

Saıahat kezinde Sársenbaı Qotyrashov Qazaqstannyń tarıhy men mádenıeti týraly áńgimeleıdi. Sonymen qatar ol ózi baratyn basqa elderdiń mádenıeti men dástúrimen tanysady. 

Saıahat arasyndaǵy úzilisterde aqsaqal Jezqazǵandaǵy zaýytta temir ustasy qyzmetin jalǵastyrady. 

Sársenbaı Qotyrashov 2022 jyly jarty jylda Qazaqstan boıynsha 8 myń shaqyrym jol júrip ótti. Byltyr Atyraýdan Ystanbulǵa jaıaý bardy. 

– Búkil álemge tynyshtyq tileımin. Halyqtar arasynda beıbitshilik ornasyn, - deıdi aqsaqal.

Saıahatshy keler jylǵa tórtinshi saparyn josparlap otyr. 2025 jyly ol Soltústik Amerıkaǵa jetip, Atlant muhıtynyń jaǵasynan Tynyq muhıtynyń jaǵasyna deıin júrip ótpekshi. 

Aıta keteıik, áıgili qazaq saıahatshysy Sársenbaı Qotyrashovtyń álem boıynsha jaıaý saıahaty 2023 jyldyń 2 tamyzynda bastalǵan. Aqsaqal Qazaqstan – Reseı – Grýzııa – Túrkııa – Bolgarııa – Serbııa – Vengrııa – Aýstrııa – Germanııa – Frantsııa – AQSh – Qytaı – Mońǵolııa – Reseı – Qazaqstan baǵyty boıynsha saıahattaýdy josparlap otyr.