74 ret ara shaqqan 94 jastaǵy keıýana aman qaldy
ASTANA. QazAqparat - AQSh-tyń Oregon shtatynda denesin 74 ret ara shaqqan 94 jastaǵa keıýana aman qaldy, dep habarlaıdy Fox 12 Oregon.
94 jastaǵy Bernıs Arlın Patterson telearnaǵa aralar oǵan úıiniń aýlasyn tazartqan kezde shabýyldaǵanyn aıtyp bergen. Olardyń uıasynyń ústinen shyqqan áıelge jándikter bas salǵan.
Patterson jandármen qashýǵa tyrysqanymen, qulap qalǵan. Anasynyń janushyra kómekke shaqyrǵan daýsyn estigen uly aralardy sypyrǵyshpen ura bastaıdy. Baǵyna oraı qolyna jándikterge qarsy hımııalyq qural túsip, ony sepken soń ǵana aralar ushyp ketken.
Bul oqıǵadan keıin Patterson aýrýhanaǵa jetkizildi. Dárigerler onyń denesin 74 ret shaqqanyn anyqtady. Qazirgi kezde keıýananyń ómirine esh qaýip tónip turǵan joq.
