74 mln teńge jymqyrǵan «Astana REK» AQ qyzmetkerlerine úkim shyqty
Nur-Sultan qalalyq Sybaılas jemqorlyqqa qarsy is-qımyl departamenti «Astana – Aımaqtyq elektr jelilik kompanııasynyń» laýazymdy qyzmetkerlerine qatysty qylmystyq is boıynsha tergeý júrgizgen bolatyn.
6 qańtar kúni Nur-Sultan qalasynyń Almaty aýdandyq №2 soty «Astana-REK» AQ Basqarma tóraǵasynyń orynbasary men onyń qol astyndaǵy úsh qyzmetkerine – elektr energııasyn tutynýdy baqylaý qyzmetiniń bastyǵy jáne ýchaskeler bastyqtaryna úkim shyǵardy. Senip tapsyrylǵan elektr energııasyn shyǵyndaǵan olardyń báriniń úsh jarym jylǵa bas bostandyǵy shekteldi. Olar sonymen qatar 100 saǵattyq májbúrli eńbekke tartylady.
«Kompanııanyń laýazymdy qyzmetkerleri kásipkerlik sýbektilerimen aldyn ala sóz baılasyp, jymqyrylǵan elektr qýatyn shyǵyn retinde jazyp otyrǵan. Keıin osy jetispeýshilik elektr qýatyn taratý tarıfiniń ósýine alyp kelgen. Tergeý barysynda osy qylmystyń saldarynan 74 mln teńge shyǵyn keltirilgeni anyqtaldy. Sottalýshylar shyǵyndy tolyq ótedi», - delingen aqparatta.