736 nysan jekeshelendirý tizimine engizildi - Álıhan Smaıylov
NUR-SULTAN. QazAqparat – Josparǵa sáıkes 736 nysandy jekeshelendirý tizimine engizildi. Bul týraly QR Qarjy mınıstrliginiń alqa májilisinde QR Premer-Mınıstriniń birinshi orynbasary Álıhan Smaıylov málim etti, dep habarlaıdy QazAqparat tilshisi.
«Úkimet jekeshelendirýdiń 2021-2025 jyldarǵa arnalǵan keshendi josparyn qabyldady. 736 nysandy jekeshelendirý josparǵa engizildi. Bul tizim jyl saıyn tolyǵyp turady. Sonymen birge, onyń 40 paıyzy bıyl satylýy kerek», - dedi Á. Smaıylov.
Osy oraıda ol bul baǵyttaǵy jumystarǵa baılanysty belsendi sharalardy qabyldaý kerektigin tapsyrdy.
«Ár nysandy ótkizý boıynsha jol kartasyn bekitip, memorgandar, ákimdikter jáne «Samuryq-Qazyna» qory jospardy der kezinde oryndaýyna qatysty monıtorıngti kúsheıtý kerek», - dedi Úkimet basshysynyń birinshi orynbasary.
Eske sala keteıik, jaqynda Úkimet otyrysynda QR Qarjy mınıstri Erulan Jamaýbaev jekeshelendirýdiń barysy jaıynda baıandady.
