73 jastaǵy Sársenbaı Qotyrashov erteńnen bastap jer sharyn jaıaý aralaýǵa attanady
ASTANA. QazAqparat - Qazaqstandyq saıahatshy Sársenbaı Qotyrashov jer sharyn jaıaý aralamaqshy, dep habarlaıdy QazAqparat.
Qazaq Geography uıymy taratqa málimetke sensek, 2 tamyzda belgili qazaqstandyq saıahatshy Sársenbaı Qotyrashov dúnıejúzi boıynsha jaıaý saıahatyn Atyraýdan bastaıdy.
Aqsaqal Qazaqstan – Reseı – Grýzııa – Túrkııa – Bolgarııa – Serbııa – Vengrııa – Avstrııa – Germanııa – Frantsııa – AQSh – Qytaı – Mońǵolııa – Reseı – Qazaqstan baǵyty boıynsha saıahattaýdy josparlap otyr.
Esep boıynsha, sapar 2 jylǵa sozylady, ol týrdy 2025 jyldyń tamyzynda aıaqtaýdy kózdep otyr.
Yńǵaıly bolý úshin marshrýt birneshe kezeńge bólingen.
Birinshi kezeń: Qazaqstan-Reseı-Grýzııa-Túrkııa. Bul kezeń Jospar boıynsha 3000 shaqyrymdaı joldy artqa tastap, 100 kúnde ótedi.
Ekinshisi: Túrkııa-Frantsııa-AQSh (180 kún jáne 9 myńnan astam km).
Úshinshi: AQSh-Qytaı-Mońǵolııa-Reseı-Qazaqstan (130 kún, jáne 4 myńnan astam km).
Sársenbaı Qotyrashovtyń ózi aıtqandaı, aınalyp ótýdiń basty maqsaty - Gınnestiń rekordtar kitabyna tirkelip, álemdik rekord ornatý.
Kitaptaǵy málimetke sáıkes, búgingi kúnge deıin dúnıeni 70 jastan asqan adamnyń jaıaý álemdi sharlaǵany týraly jazba áli jazylmaǵan.
«Densaýlyǵym óte jaqsy. Qazaqstan ishindegi jaıaý marafon - men úshin tekserý ári daıyndyq boldy. Marafonǵa adamnyń jasy kedergi emes. Maqsatyma jetetinimdi sezemin, óz qabiletime senimdimin, sondyqtan osyndaı jaýapty qadamǵa barýǵa sheshim qabyldadym», - dedi aqsaqal kezdesýde.
Sonymen qatar tek qajetti gıgıenalyq zattar, aýystyratyn kıim-keshek, aıaq kıim jáne azyq-túliktiń az mólsherin salatyn ataqty arbasyn ózimen birge alyp shyǵatynyn da aıtty.
Sársenbaı Qotyrashov kúnine 30-40 shaqyrymdaı jaıaý júrýdi kózdep otyr.
«Mundaı shytyrman oqıǵaǵa qartaıǵanda tek júrek qalaýymen barýǵa bolady. Siz - salaýatty ómir saltyn nasıhattaýdyń, kúsh-qýat, tabandylyq pen batyldyq kórinisiniń tamasha úlgisisiz. Sizge myqty densaýlyq, kúsh-qýat, maqsatyńyzǵa jetýińizdi tileımiz», - deıdi QazaqGeography basqarma tóraǵasy Erik Sultanov.
S.Qotyrashovqa basqa elderde Qazaqstan elshilikteri, sondaı-aq jergilikti qazaq dıasporalary qoldaý kórsetpek.
Saıahatshynyń ókili Baqtııar Qojahmetov jol boıy aqsaqalmen baılanysta bolady jáne monıtorıng júrgizedi.
«Qazaqstannyń konsýldyqtary jáne elshilikterimen kelissóz júrgizdik, olar bizdi qoldap, ózderi ornalasqan elderdiń syrtqy isteri mınıstrlikterine tıisti habar berdi. ıAǵnı, shekarada esh qıyndyq bolmaıdy, Sársenbaı aǵanyń tólqujaty, al qazaqstandyqtarǵa Reseı, Túrkııa, Grýzııa elderine barýǵa vıza kerek emes», – dedi ol.
Birinshi kezeń aıaqtalǵannan keıin Sársenbaı Qotyrashov qysty kútip, kóktemniń bastalýymen toqtaǵan jerinen dúnıeni aınalyp shyǵý úshin Qazaqstanǵa oralady.
Osy ýaqyt ishinde onyń ókilderi kelesi qadam úshin súıemeldeýdi qosý úshin osy órshil jobany qarjylandyrýdy qamtamasyz ete alatyn demeýshilerdi tabýǵa úmittenedi.
Eske salaıyq, Sársenbaı Qotyrashov byltyr 72 jasynda Qazaqstannyń 17 oblysyn (8 myń km) 6 aıda jaıaý júrip ótken bolatyn.
