73 jastaǵy aqsaqal ziltemir kóterýden Álem chempıonatynda jeńimpaz boldy
QARAǴANDY. QazAqparat – Qaraǵandylyq ardager sportshylar halyqaralyq birinshilikterde altyn medaldar jeńip aldy. Dene shynyqtyrý jáne sport basqarmasynyń baspasóz máslıhatynda jeńimpazdarǵa qurmet kórsetildi, dep habarlaıdy QazAqparat tilshisi.
Atap aıtsaq, Lıssabonda (Portýgalııa) ótken dzıýdodan álem chempıonatynda «Jas suńqar» sport mektebiniń jáne oblystyq keshendi mekteptiń jattyqtyrýshylary Násipqul Tynybaev pen Dáýren Qojın «altyn» aldy.
Al Vılnıýste (Lıtva) ziltemirdi shalqalaı jatyp kóterýden álem chempıonatynyń eki márte jeńimpazy 73 jastaǵy Dáribaı Ospanov atandy. Sondaı-aq osy jarysta birinshi oryndy oblystyq keshendi mekteptiń tárbıelenýshisi Anton Marchenko ıelendi. Jas balýannyń tálimgeri Ábdýlkárim Qaraman ony jaqsy daıyndap qana qoımaı, ózi de sátti óner kórsetti – onyń qorjynynda eki kúmis bar.
Sonymen qatar Qaraǵandy oblysynyń 4 sportshysy gir sportynan álem chempıonatynda jeńimpaz bolyp otyr. Olar – gir sportynan Qaraǵandy oblysynyń aǵa jattyqtyrýshysy Aleksandr Komarov, sondaı-aq Igor Erzıamkın, Roman Gerasımenko jáne ıÝrıı Brel.
Aıta keteıik, 73 jastaǵy Dáribaı Ospanovty synyptastary jeńisimen quttyqtap, ıyǵyna shapan jaýyp, jylqy syılaýǵa Shet aýdanynan arnaıy kelgen.
