720 mln teńge salyqty tóleýden jaltarǵan qazaqstandyq Kamerýnnan ekstradıtsııalandy
Búgin Qazaqstannyń Bas prokýratýrasy men ІІM-niń Interpol qyzmetkerleri Qazaqstan Syrtqy ister mınıstrligi jáne Kamerýndaǵy Qazaqstan Qurmetti konsýlynyń kómegimen atalǵan afrıkalyq elden Qazaqstan azamatyn ekstradıtsııalady, dep habarlaıdy Kazinform Bas prokýratýranyń baspasóz qyzmetine silteme jasap.
Ol 2017-2019 jyldary jalǵan schet-faktýralardy paıdalaný jolymen 720 mln teńge somasynan astam salyqtar tóleýden jaltarǵan degen kúdikke ilingen. Qylmysty jasaǵannan keıin kúdikti tergeýden jasyrynyp, oǵan halyqaralyq izdeý jarııalanǵan.
Osy jyldyń maýsym aıynda ol Kamerýn Respýblıkasynyń aýmaǵynda ustalǵandyqtan, Bas prokýratýra ony berý týraly suraý joldaǵan. Qazaqstan men Kamerýn arasynda ustap berý týraly sharttyń bolmaýyna qaramastan, kamerýn taraby ol suraýdy qanaǵattandyrdy.
Qazirgi ýaqytta kúdikti Astana qalasynyń tergeý ızolıatoryna qamaýǵa alyndy. Osyndaı qylmys jasaǵan tulǵalarǵa 5 jyldan 8 jylǵa deıingi merzimge bas bostandyǵynan aıyrý túrindegi jaza kózdelgen.