72-shi Kann kınofestıvaliniń jeńimpazdary anyqtaldy
NUR-SULTAN. QazAqparat - Kann kınofestıvaliniń bas júldesi ońtústikkoreıalyq rejısser Pon Djýn Honyń «Parazıt» fılmine berildi, dep habarlaıdy QazAqparat bbc.com saıtyna silteme jasap.
Bul tragıkomedııada baıdyń úıine jumysqa ornalasqan jarly otbasy týraly beınelengen.
Brıtandyq aktrısa Emılı Bıchem «Kroshka Djo» psıhologııalyq dramasynda áıel rólin jaqsy somdaǵany úshin júlde aldy.
Ispan akteri Antonıo Banderasqa Pedro Almodovardyń «Bol ı slava» fılmindegi er adam rólin úzdik oryndaǵany úshin júlde tabystaldy.
Sondaı-aq, 72-shi Kann kınofestıvalinde qazylar alqasy franko-senegaldyq rejısser Matı Dıoptyń «Atlantık» fılmin erekshe atap ótti. Bul fılmde otanynda áıelderin qaldyryp ketken mıgranttardyń taǵdyry kórsetilgen.
Dıop kınodaǵy erekshe jetistigi úshin Bas júlde aldy. Kann kınofestıvaliniń 72 jyldyq tarıhynda bul marapatty alǵash ret qara násildi áıel aldy.
«Barlyǵymyz osy fılmge ǵashyq boldyq dep oılaımyn. Bul kartına poezııa, dramatızm jáne mıstıtsızmge toly. Munda kún saıyn barlyǵymyz tap bolyp júrgen tragedııa týraly aıtylǵan», - dedi qazylar alqasynyń biri, frantsýz rejısseri Enkı Bılal «Atlantık» fılmi týraly.
Úzdik kınorejıssýra úshin belgııalyq aǵaıyndy Dardenderge «Jas Ahmed» fılmine berildi. Bul kıno musylman jastardyń radıkalızatsııalaý tarıhyna arnalǵan.
Frantsýz stsenarısi Selın Skamma «Portret jenşıny v ogne» fılminiń úzdik stsenarııi úshin júlde aldy.
Qazylar alqasynyń júldesin Ladja Lıdiń «Otverjennye» jáne kishi Klebera Mendostyń «Bakýraý» fılmderi bólip aldy.
Festıvalde Kventın Tarantınonyń «Odnajdy v Gollıvýde» jańa fılminiń álemdik premerasy ótti. Biraq bul fılm eshqandaı júlde ala almady.
