72 saǵat: Pýtın jarııalaǵan Jeńistiń 80 jyldyǵyna arnalǵan bitim kúshine endi

ASTANA. KAZINFORM — Ekinshi dúnıejúzilik soǵystaǵy Jeńistiń 80 jyldyǵyna oraı Reseı prezıdenti Vladımır Pýtın jarııalaǵan bitim kezinde Reseı barlyq áskerı áreketti toqtatady, dep habarlaıdy TASS.

Bitimgershilik kelisimi Máskeý ýaqytymen 8 mamyr saǵat 00:00-den 11 mamyr saǵat 00:00-ge deıin – jalpy 72 saǵat boıy kúshinde bolady.

Pýtın sáýir aıynyń sońynda bitimgershilik týraly málimdegen bolatyn. 3 mamyrda Vladımır Zelenskıı bul usynysty jarııa túrde qabyldamady.

Reseı tarapynan Reseı Qarýly Kúshteri Ýkraına bitimgershilik kelisimdi buzǵan jaǵdaıda shabýyldardy toıtarýǵa daıyn bolýy kerek ekeni atap ótildi.

Reseı prezıdentiniń baspasóz hatshysy Dmıtrıı Peskov Reseıdiń mamyr aıyndaǵy bitimge qatysty ustanymy belgili ekenin jáne qazirgi ýaqytta bul máselege qatysty jańa nusqaýlar joq ekenin aıtty.

Buǵan deıin Reseı Syrtqy ister mınıstri Sergeı Lavrov Pýtınniń atysty ýaqytsha toqtatý týraly usynysy Reseıdiń kelissózderge degen umtylysy dep málimdedi.

Sonymen qatar Vladımır Pýtın Pasha meıramyna baılanysty ýaqytsha bitimge keletinin jarııalaǵan edi.