719 adamnyń ómirin qıǵan Mekkedegi qaıǵyly oqıǵanyń oryn alýyna ne sebep boldy?
ASTANA. QazAqparat - Saýd Arabııasynda 719 adamnyń ómirin qıǵan qaıǵyly oqıǵanyń sebepteri tergelip jatyr. El bıligi bul qasiretke qajyǵa kelgenderdiń erejelerdi muqııat saqtamaǵany sebep deıdi.
Jınalǵandardyń birazy bekitilgen qozǵalys kestesinen aýytqyp ketken. Al sumdyq jaǵdaıdy kózimen kórgen kýágerler polıtseılerdiń biliktiligi óte tómen deıdi. Olardyń aıtýynsha, tártip saqshylary qajylar lagerlerine aparatyn joldardyń kóp bóligin jaýyp tastaǵan. Al keıbir aqparat kózderi qaıǵyly oqıǵa qasynda 350 serigi bar saýdııalyq hanzadanyń kelýinen keıin boldy dep habarlady. Biraq resmı bılik bul málimetti joqqa shyǵardy.
Esterińizge sala keteıik, Mekkeniń irgesindegi Mına jazyǵyndaǵy qasiretti jaǵdaı 24 qyrkúıek kúni shaıtanǵa tas laqtyrý rásimi kezinde bolǵan, dep jazady 24.kz.
