71 jastaǵy qarııa emtıhanǵa daıyndalyp júr
ASTANA. QazAqparat - Túrkııanyń soltústik-batysyndaǵy Sakarıa provıntsııasynyń Hendek aýdanynyń 71 jastaǵy turǵyny Sebahaddın Túısúz kolledjderdiń birinde din fakýltetiniń kúndizgi bólimine túsý úshin emtıhandarǵa daıyndalyp júr, dep habarlaıdy 24.kz telearnasy.
Haber7.com saıtynyń jazýyna qaraǵanda, qarııa jas kezinde kedeılikten oqýyn bitire almaǵan. 1977 jyly Ystambuldyń Kartalynda Quran kýrsyn aıaqtaǵan ol 2001 jyly bastaýysh synypty támamdaǵany týraly kýálik alǵan.
Qazir ol úıinde keshke sabaq oqyp, meshitte Quran, kofehanalarda gazet oqyp kúnderin ótkizedi eken. Ystambulda 32 jasynda Quran kýrsyn, 56 jasynda bastaýysh synyp kýáligin alǵan Sebahaddın ataı: «Orta synyptardy jaqsy oqyp, kýálik alyp shyqtym. Endi kolledjdi de jaqsy oqyp, támamdasam deımin. Eger oqı alsam, ýnıversıtetke de túskim keledi», - deıdi.
