71 jastaǵy aqmolalyq birinshi ret zeınetaqy aldy
KÓKShETAÝ. QazAqparat – Bulandy aýdanynyń 71 jastaǵy turǵyny birinshi ret zeınetaqy aldy, dep habarlaıdy QazAqparat tilshisi Aqmola oblystyq Qylmystyq atqarý júıesi departamentiniń baspasóz qyzmetine silteme jasap.
Vedomstvonyń málimetinshe, Aqmola oblystyq Qylmystyq atqarý júıesi departamentiniń Bulandy aýdanynda probatsııalyq esepte turǵan tulǵa jasy boıynsha zeınetaqy alý úshin qujattaryn rásimdeýge kómek suraǵan.
«Anyqtalǵandaı, 71 jastaǵy er adam osy kúnge deıin zeınetaqy almaı kelgen, ár túrli jumystan túsetin jalaqyǵa kún kórgen. Aýdandyq probatsııa qyzmetkerleri onyń ótinishine qulaq túrip, jergilikti halyqqa qyzmet kórsetý ortalyǵyna júginý arqyly qujattaryn rásimdeýge kómektesti», - deıdi Aqmola oblystyq Qylmystyq atqarý júıesi departamentiniń baspasóz hatshysy Irına Gornova.
Er adam osy kúnge deıin qujattarynyń rásimdelmeý sebepterin túsindirdi.
«Taǵdyrym osylaı boldy. Qujattarymnyń birazyn joǵaltyp aldym. Onyń qalpyna keltirý úshin aqsham bolmady. Aýdandyq probatsııa qyzmetkerlerine alǵysym sheksiz. Endi az da bolsa, zeınetaqymdy alatyn bolamyn», - dep aǵynan jaryldy zeınetker.
