700 myń tonnaǵa deıin dızel otyny tapshylyǵy bar — EM

ASTANA. KAZINFORM — Elimizde 700 myń tonnaǵa deıin dızel otyny tapshylyǵy bar. Bul týraly Energetıka vıtse-mınıstri Qaıyrhan Tutqyshbaev aıtty.

— Dızel otynynyń tapshylyǵy jumys istep turǵan zaýyttardyń qýatyn arttyrý jáne tórtinshi munaı óńdeý zaýytyn salý esebinen sheshiledi. Degenmen, qazirgi dızel otyny tapshylyǵynyń negizgi sebebi — baǵasynyń kórshiles eldermen salystyrǵanda tómendigi. Keden odaǵyna baılanysty kórshi memleketterden avtokólikter kelip, janar-jaǵarmaı beketterinen dızel otynyn quıyp áketip jatyr. Sondyqtan qazirgi eń birinshi baǵyt — dızel otyny óndirisin arttyrý. 1932 jylǵa deıin úsh zaýytymyz jańǵyrtýdan ótip, jańa zaýyt salynǵannan keıin másele tolyq sheshiledi, — dedi vıtse-mınıstr Májilistiń jalpy otyrysynan keıin.

Onyń dereginshe, qazirgi ýaqytta elimizde 650-700 myń dızel otyny tapshy. Bul kólem kórshi elderden ákelinbek.

— Dızel men avıaotyn bir fraktsııadan óndiriledi. Sondyqtan dızel óndirýdi arttyrsaq, avıaotyn óndirýdi tómendetý qajet bolady. Biraq, biz 50/50 ustap otyrmyz. Ózderińiz bilesizder, dızel otyny kóktemgi jáne kúzgi aýyl sharýashylyǵy naýqanynda, Qazaqstan temir jolynda, tranzıttik avtokólikterde paıdalanylady, — dedi ol.

Budan buryn jańa avtogaz quıý stantsııalary syıymdylyqtardy jer astyna ornalastyrýǵa mindetteletini belgili boldy.