70 jastaǵy Túrkistan oblysynyń turǵyny 20 jyldan beri tólqujatsyz júrgen
TÚRKІSTAN. QazAqparat - Túrkistan oblysynda 20 jyldan beri tólqujatsyz júrgen 70 jastaǵy keıýanaǵa qujat berildi, dep habarlaıdy QazAqparat tilshisi.
Shardara aýdandyq polıtsııa bóliminiń kóshi-qon qyzmetine 70 jastaǵy Atısh Baıanova jeke basyn qujattandyrýǵa ótinish bildirgen. 2002 jyly Ózbekstan Respýblıkasynan Qazaqstanǵa kóship kelgen ol, qujattaryn joǵaltyp alypty. Sodan beri 20 jyl boıyna qujatsyz júrgen.
Kóshi-qon polıtseıleri keıýanany birden tirkeýge alyp, shuǵyl túrde qujattaryn rásimdep berdi. Nátıjesinde az ǵana ýaqyttyń ishinde tártip saqshylary aq jaýlyqty ananyń kim ekenin anyqtaıtyn tólqujatyn jasap, tabys etti.
Qatty qýanǵan ájeı tártip saqshylaryna rızashylyǵyn bildirip, alǵys aıtty.
Búginde Atısh Baıanova 2 ul 3 qyzdan 18 nemere 4 shóbere súıip otyr.
