70 jastaǵy polıak Atlant muhıtyn 3 ret júzip ótti
ASTANA. QazAqparat - 70 jastaǵy polıak Aleksandr Doba (Alexander Doba) uzyndyǵy jeti metr bolatyn baıdarkada Atlant muhıtyn kezekti ret júzip ótti, dep habarlaıdy Lenta.rý.
3 qyrkúıek, jeksenbi kúni qart teńizshi óz baǵytynyń máresine - Frantsııanyń Le-Konke portyna jetken. Doba 16 mamyrda AQSh-tyń Nıý-Djersı shtaty shektesetin Bernıget shyǵanaǵynan saparǵa shyqqan. 17 maýsymda qaıyqtyń rýli maıysqanyna qaramaı, qart jıhankez saıahatyn jalǵastyra bergen.
2010 jyly Aleksandr Doba Atlant muhıtyn baıdarkada jalǵyz júzip ótken birinshi adam bolǵan edi. 2013 jyly muhıtty taǵy bir ret júzip ótip, ashyq muhıtta baıdarkamen eń uzaq qashyqtyqta júzýden rekord ornatty.
Aıta keteıik, 2016 jylǵy jeltoqsanda brıtandyq polıtseıdiń Atlant muhıtyn jalǵyz júzip ótpek bolǵany týraly habar taralǵan edi. Medýzalardyń, qatty tolqyndar men qulaǵyna kirip qalǵan balyqtyń kesirinen jospardaǵydan jaı júzip, birneshe kúnnen keıin júzýin toqtatqan edi.
