70 jastaǵy avstralııalyq La-Manshty 12 saǵatta júzip ótti
ASTANA. QazAqparat - 70 jastaǵy avstralııalyq La-Manshty júzip ótken eń qart adam boldy, dep habarlady Bı-bı-sı.
Sıdneı turǵyny Sırıl Beldok Brıtanııadan Frantsııaǵa 12 saǵat 45 mınýttiń ishinde júzip jetti.
Budan buryn, 1985 jyly avstralııalyq bir adam shokolod pen shyryn ishý úshin birneshe ret demalyp, osy arnany júzip ótken bolatyn.
Júzý barysyn «Tvıtterden» kórýge bolady, óıtkeni avstralııalyqtyń qoldaý toby ár sát saıyn ony jańartyp otyrdy.
Sydney Morning Herald gazetiniń habarlaýynsha, bala kezinde Sırıl sýdan qorqatyn jáne tynys joldary syrqatynan zardap shekken edi.
Degenmen, Beldoktyń rekordy jaqyn arada jańarmaq. Osy aptada Avstralııadan 73 jastaǵy áıel La-Manshty júzip ótýge bekinip otyr.
