70 jastaǵy Ýganda turǵyny egiz bosandy
70 jastaǵy ýgandalyq áıel EKO baǵdarlamasy boıynsha egiz sábıdi dúnıege alyp keldi. Dárigerler ómir esigin ashqan ul men qyzdyń deni saý ekenin aıtyp otyr. Kazinform bul týraly Euronews-ke silteme jasap habarlaıdy.
Safına Namýkvaııa – Afrıka qurlyǵynda bosanǵan eń kári áıel. Ol 70 jasynda egiz kóterip, deni saý balalardy dúnıege ákeldi. Ul men qyz Ýgandanyń Kampal qalasyndaǵy halyqaralyq áıelder gospıtalinde ómirge keldi.
Medıtsınalyq mekemeniń Facebook paraqshasynda «Ana men balalardyń jaǵdaıy jaqsy», - dep jazylǵan.
Ol ekstrakorporaldy uryqtandyrý tásili arqyly bala kóterip, kesir tiligi jolymen bosanǵan.
Klınıka qyzmetkerleriniń sózinshe, Safına osy jasynda ana atanyp, Afrıka rekordyn ornatqan.
Jas ana ýgandalyq NTV telekompanııasyna bergen suhbatynda egizderdi kóterý ońaıǵa soqpaǵanyn jáne bala kóterý úshin jınaǵan bar qarjysyn jumsaýǵa týra kelgenin aıtty.
