70-ten astam qazaqstandyq arý sulýlyq salonynyń qurbany boldy
ASTANA. QazAqparat - Qazaqstan Tutynýshylarynyń ulttyq lıgasy basqarmasynyń tóraıymy Svetlana Romanovskaıa plastıkalyq ota men kosmetolog mamandarǵa baryp, jaǵa ustatar jaıttarǵa tap bolǵan qazaqstandyqtar jaıynda aıtyp berdi, dep habarlaıdy QazAqparat.
«Osy jyldardyń ishinde 70-ten astam oqıǵa boldy. Negizinen olar terini tartý men ártúrli ekpeler. Omyraýlaryna ota jasatqandar birneshe ret barýlaryna týra kelgen. Al ımplantant búkil denesin sharlap júredi. Kóz aldaryńyzǵa elestetip kórińizdershi, qyz uıqydan tursa omyraýyna jasalǵan ımplant aıaǵyna biraq shyqqan», - dedi ol búgin Úkimet otyrysynan keıin BAQ ókilderine bergen suhbatynda.
Onyń sózine qaraǵanda, sulýlyq qurbanyna aınalǵan qyz-kelinshekter Qazaqstannyń búkil óńirinde kezdesedi. Erterekte mundaı saıttar Almaty men Astanada oryn alatyn bolsa, qazir Pavlodar, Kókshetaý, Atyraý, Aqtaý jáne Aqtóbe qalalarynda sulýlyq salonynyń qurbanyna aınalǵandar bar.
«Biz árýaqytta da kómek bere almaımyz. Adamdardyń otadan keıin birden kompanııaǵa eshqandaı narazylyǵym joq degen qujatqa qol qoıyp beretin jaıttar da kezdesedi. Mundaı jaǵdaıda qujatty jaramsyz dep taný úshin patsıenttiń oǵan qol qoıar kezde qandaı kúıde bolǵanyna saraptama jasaýǵa da týra keledi», - dedi Romanovskaıa.
