70-ten astam adam hýsıtterdiń Saýd Arabııasyna jasaǵan soqqylarynan zardap shekti
ASTANA. KAZINFORM — Iemendegi qarýly qaqtyǵys taǵy da kórshiles memlekettiń aýmaǵyna tarady, dep habarlaıdy Kazinform agenttiginiń Taıaý Shyǵystaǵy menshikti tilshisi.
Iemendik hýsıtter seısenbi kúni Saýd Arabııasynyń ońtústigindegi qalalar men energetıkalyq ınfraqurylym nysandaryna zymyranmen jáne drondarmen shabýyl jasady.
Saýd Arabııasy basqaratyn Iemendegi zańdylyqty qoldaý koalıtsııasynyń málimdeýinshe, shabýyldan áıelder men balalardy qosa alǵanda, 73 beıbit turǵyn jaraqat alǵan.
Saýd Arabııasynyń Energetıka mınıstrligi birneshe nysanda órt shyqqanyn jáne olardyń keıbiriniń jumysy ýaqytsha toqtatylǵanyn habarlady. Zardap shekkenderge medıtsınalyq kómek kórsetilip, mamandar keltirilgen shyǵyn kólemin baǵalap jatyr.
Hýsıtterdiń áskerı ókili ıAhıa Sarı shabýyldardyń nysanasy Abha, Nadjran jáne Jızan qalalaryndaǵy Saýd Arabııasynyń «Saudi Aramco» munaı-gaz kompanııasynyń nysandary, sondaı-aq Hamıs-Mýshaıttaǵy áskerı áýe bazasy bolǵanyn málimdedi. Onyń aıtýynsha, shabýyl kezinde ondaǵan ballıstıkalyq zymyran men dron qoldanylǵan.
Hýsıtter bul shabýyldy Saýd Arabııasynyń bir kún buryn Iemenniń Marıb, ál-Baıda, Hodeıda, Taız jáne ál-Djaýf provıntsııalaryna jasaǵan, ózderiniń málimdeýinshe, 121 áýe shabýylyna jaýap dep atady.
— Saýd Arabııasy shıelenistiń ýshyǵýyna jaýapty. Bizdiń elimiz ben halqymyzǵa jasalǵan kez kelgen shabýylǵa batyl jaýap beriledi. Biz esh oılanbastan budan da qýatty ári aýqymdy soqqylar jasaımyz, — dedi hýsıtterdiń áskerı ókili ıAhıa Sarı.
Saýd Arabııasy basqaratyn Iemendegi zańdylyqty qoldaý koalıtsııasynyń resmı ókili Týrkı ál-Malıkı bolǵan jaǵdaıdy qaýipti shıelenis dep baǵalap, birikken qolbasshylyq hýsıtterdi tejeý jáne olardan tónetin qaterlerdi zalalsyzdandyrý úshin qajetti sharalardy qabyldaıtynyn málimdedi.
Shabýyldy Parsy shyǵanaǵyndaǵy Arab memleketteri yntymaqtastyǵy keńesi, Kýveıt jáne halyqaralyq deńgeıde moıyndalǵan Iemen úkimeti de aıyptady. Olar bul soqqylardy Saýd Arabııasynyń egemendigin buzý jáne óńirlik qaýipsizdikke tóngen qater dep atady.
Shabýyldar týraly habar taraǵannan keıin Brent markaly munaıdyń baǵasy barreline 99 dollarǵa deıin ósti, dep habarlaıdy Al Jazeera.
Naryq qatysýshylaryn Saýd Arabııasynan munaı jetkizilimi úzilip qalýy jáne Qyzyl teńiz ben Ormýz buǵazy arqyly keme qatynasyna qatysty shekteýlerdiń jalǵasýy alańdatyp otyr.
Eske salaıyq, buǵan deıin Iemendegi hýsıtter men úkimet kúshteri arasyndaǵy qaqtyǵysta 80-nen astam adam qaza tapqanyn habarlaǵan edik.
