70 páterdi tonaǵany úshin qamaýda otyrǵan kúdiktiniń taǵy bir urlyqqa qatysy bary anyqtaldy
NUR-SULTAN. QazAqparat – Túrkistan oblysynda 70 páterdi tonaǵany úshin qamaýda otyrǵan kúdiktiniń taǵy bir urlyqqa qatysy bary anyqtaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«Qazyǵurt APB-nyń kezekshi bólimine jergilikti turǵyn aryzdandy. Jábirlenýshi áıeldiń aıtýynsha, onyń úıine túngi ýaqytta ury túsip, jatyn bólmesinde turǵan baǵaly altyn buıymdaryn jymqyryp ketken. Jalpy, jábirlenýshige keltirilgen shyǵyn kólemi 1 mıllıon 200 myń teńgege jýyq. Atalǵan jaıtty polıtsııa qyzmetkerleri QR QK-niń 188-baby «Urlyq» boıynsha SDTBT-ǵa tirkedi. Kúdikti osy ýaqytqa deıin isti bolyp, 70 jaıt páter urlyǵyna qatysy bar shymkenttik er adam bolyp shyqty. Sondaı-aq, sezikti qazirgi tańda iri kólemde birneshe serııaly urlyq qylmysyn jasaǵany úshin Qazyǵurt APB-da qamaýda otyr. Ol jaýap alý barysynda, atalǵan jábirlenýshiniń úıine urlyqqa túskenin tolyǵymen moıyndady», - delingen departament málimdemesinde.
Qazirgi tańda tergeý amaldary júrgizilip, kúdikti er azamattyń budan bólek basqa qylmystarǵa qatystylyǵy tekserilip jatyr.
