70 myńnan astam qazaqstandyq fermer minagro.kz portalyna tirkeldi
«Sýbsıdııa alý úshin fermer minagro.kz portalyna tirkelip, jeke kabınetin ashýy tıis jáne jer teliminiń kadastrlyq nómirin jazady. Osylaısha, aýyl sharýashylyǵy taýaryn óndirýshi dalada qandaı jumystar atqarylǵanyn, temperatýra men ylǵal mólsherine deıin aqparat ala alady», - dedi QR Aýyl sharýashylyǵy vıtse-mınıstri Arman Evnıev Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, portalǵa tirkelý - sýbsıdııa alýdyń mindetti talaby bolyp sanalady jáne qazirgi ýaqytta 70 myńnan astam fermer osy júıede jumys istep jatyr. Sondaı-aq, portalǵa burys aqparattar engizýge jol berilmeıdi.
«Zańdy jáne jeke tulǵalardyń málimetteri men memlekettik derekter bazasy ıntegratsııalanady jáne aqparattar avtomatty túrde sáıkestendiriledi. Osylaısha, burys aqparattyń engizilýine jol berilmeıdi», - dep túsindirdi QR AShM memlekettik qyzmetterdi damytý jáne AÓK tsıfrlandyrý departamentiniń dırektory Baýyrjan Aıymbetov.