70 myń dollardyń kóligi kún sáýlesimen shaǵylysyp balqyp ketti
ASTANA. 4 qyrkúıek. QazAqparat - Londonnyń turǵyny qyzyq jaıtqa tap boldy. Onyń Jaguar XJ kóligi salynyp jatqan ǵımaratqa túsken kún sáýlesimen shaǵylysyp, ystyqtan balqyp ketken, dep habarlaıdy RBK.
Brıtandyq Martın Lındseı quny 70 myń dollar turatyn Jaguar XJ kóligin salynyp jatqan syrty áınekpen qaptalǵan ǵımarattyń janyna tastap ketedi. Qaıtyp kelse, bir úıdiń qunymen teń attaı kóliginiń plastıkalyq qurylǵylary túgeldeı balqyp ketken. Tergeý barysynda buǵan ǵımarattyń áınegimen shaǵylysqan kún sáýlesi sebep bolǵany anyqtaldy.
37 qabatty ǵımarattyń jobalaýshylary kóliktiń ıesine barlyq shyǵyndy óteýge ýáde berdi jáne bolashaqta taǵy mundaı jaǵdaı qaıtalanbas úshin ǵımaratty salýda ketken olqylyqtardy túzeýge tyrysamyz dedi.
