70-ke jýyq ofıtser tárbıeshilerdiń oqý-ádistemelik jıyndaryna qatysady (FOTO)

ASTANA. QazAqparat - QR Qarýly Kúshterinde QK túrleri bas qolbasshylarynyń orynbasarlary, ásker tekteriniń, óńirlik qolbasshylyq áskerleriniń qolbasshylarymen, áskerı oqý oryndarynyń basshylarymen, Aqmola óńirlik garnızonynyń tárbıe jáne ıdeologııalyq jumystar jónindegi áskerı bólim komandırlerimen, Astana, Almaty qalalarynyń Qorǵanys isteri jónindegi departamentteriniń bastyqtarymen jáne QR QK túrleriniń serjanttarymen oqý-ádistemelik jıyn ótti.

«Tártip pen patrıotızm - Qazaqstan jastarynyń sátti bolashaǵynyń kepili. Tárbıe qurylymdary ofıtserleriniń tapsyrmasy tárbıe jáne ıdeologııalyq jumystyń tıimdiligin arttyrý, QR Qarýly Kúshterinde áskerı tártip pen quqyqtyq tártipti nyǵaıtýdan túrady. Óziniń konstıtýtsııalyq Otandy qorǵaý boryshyn atqaryp jatqan merzimdi sarbazdardyń moraldyq-psıhologııalyq daıyndyǵyna, shaqyrylýshylardyń sapaly iriktelýine úlken kóńil bólinedi», - dedi QR QK Bas shtaby bastyǵynyń orynbasary - QR QK BSh Tárbıe jáne ıdeologııalyq jumystar departamentiniń bastyǵy general-maıor Muhamedjan Talasov. Jıyndy ótkizý barysynda qatysýshylardyń aldynda QR Qorǵanys mınıstrligi men QR QK Bas shtaby departamentteriniń basshylary, ofıtserler sóz sóıledi. Barlyǵy oqý-ádistemelik jıynǵa shamamen 70 adam qatysty.