70-ke jýyq qazaqstandyq Irannan shyǵaryldy – SІM

ASTANA.KAZINFORM – Sońǵy eki kún ishinde 70-ten astam qazaqstandyq azamat Irannan shyǵýǵa járdem alǵan. Bul týraly QR Syrtqy ister mınıstrliginiń resmı ókili Aıbek Smadııarov málimdedi.

– Atap aıtqanda, Iranda issaparda júrgen alty qazaqstandyq azamatqa Ázerbaıjan aýmaǵy arqyly elge oralýǵa kómek kórsetildi, – dedi mınıstrlik ókili.

Onyń aıtýynsha, 2025 jylǵy 15 maýsymda Qazaqstannyń 68 azamaty, onyń ishinde dıplomattardyń otbasy músheleri, ekonomıkalyq yntymaqtastyq uıymynyń hatshylyǵynda issaparmen júrgen qazaqstandyq mamandar, sondaı-aq Iranda qyzmettik saparmen bolǵan ózge de azamattar Túrikmenstan arqyly elden shyǵarylǵan.

– Azamattarymyz aldaǵy kúnderi Qazaqstanǵa oralady, – dedi Smadııarov.

Sonymen qatar, QR SІM málimetinshe, Irandaǵy Qazaqstannyń sheteldegi mekemeleri qalypty rejımde jumys istep jatyr.

Buǵan deıin, Iranda – 132, Izraılde – 219 Qazaqstan azamaty bar ekenin jazǵanbyz.