70-ke jýyq baǵaly metaldar ken oryndary aýktsıonǵa shyǵarylady
Aldaǵy ýaqytta elimizde 70-ke jýyq baǵaly metaldar ken oryndary elektrondy aýktsıonǵa shyǵarylady. Bul týraly Ónerkásip jáne qurylys mınıstrliginen málim etti, dep habarlaıdy Kazinform.
Atalǵan vedomstvoǵa resmı saýal joldap, elimizde aldaǵy ýaqytta qandaı baǵaly metaldar ken oryndary ıgeriletinin suraǵan edik.
«Jaqyn arada qatty paıdaly qazbalarǵa arnalǵan kelisimsharttar merziminen buryn buzylǵan aýmaqtardaǵy jer qoınaýy ýchaskeleriniń 20-dan astam bos ken oryndaryn elektrondy aýktsıon negizinde ınvestorlarǵa berý josparlanǵan. Sondaı-aq qatty paıdaly qazbalardyń ónerkásiptik sanattarynyń 70-ke jýyq bos ken orny bar qorlaryn elektrondyq aýktsıonǵa shyǵarý kózdelip otyr», - delingen mınıstrlik jaýabynda.
Aıta keteıik, álemdegi eń qymbat metall — osmıı Qazaqstanda ǵana óndiriledi. Biraq ol jaıly búkil málimet qupııa.
Elimiz osmııden bólek te álemde óte sırek kezdesetin baǵaly metaldary eksportqa shyǵaryp otyr.
