70 azamattyń atyna zańsyz nesıe rásimdelgen: BQO-da onlaın-nesıe shemasy áshkerelendi
ASTANA. KAZINFORM — Batys Qazaqstan oblysynda aqparattyq júıelerdi paıdalaný arqyly onlaın-nesıe salasynda qylmystyq ister tergelip jatyr. Bul týraly BQO prokýratýrasy málim etti.
2026 jylǵy 4 aqpanda belgisiz tulǵa mıkroqarjy uıymy arqyly Qazaqstan Respýblıkasynyń azamatynyń atyna zańsyz nesıe rásimdegen.
— Jábirlenýshi onlaın-nesıe alýǵa bıometrııalyq derekter usynbaǵany anyqtaldy, al onyń ornyna alaıaqtyq jolmen úshinshi tulǵanyń málimetter qoldanylǵan. Sol sııaqty belgisiz tulǵalar ózge mıkroqarjy uıymy arqyly elimizdiń azamatyna zańsyz nesıe rásimdep, qarajatty dropperlerdiń shottary arqyly basqa tulǵaǵa aýdarǵan, — delingen prokýratýra habarlamasynda.
Mıkroqarjy uıymynyń kómegimen jasalǵan qylmystan 70 azamat zardap shekken.
Qazirgi ýaqytta sotqa deıingi tergeý júrgizilip jatyr.
Osy oraıda prokýratýra azamattardy óz jeke derekterin qupııa saqtaý qajettigin eskertedi.
Aıta keteıik, qarttardy aldaǵan alaıaq 4 jyl 7 aıǵa sottaldy.
