70 adam hlorǵa ýlanyp qaldy - aralarynda balalar men aıaǵy aýyr áıel bar
ASTANA. 4 shilde. QazAqparat - Tbılısıde 4-shi shildege qaraǵan túni hlordyń aýaǵa taralýynan 70 adam zardap shekti.
Olardyń basym bóligi - hlor aqqan kásiporynǵa jaqyn ornalasqan úıler. Ýlanyp qalǵandardyń bireýi demikpege shalyqqan, qazirgi kezde ol aýyr halde jatyr. Olardyń arasynda balalar men júkti áıel bar, dep habarlady RBK.
Hlor 800 lıtrlik rezervýardan aqqan. Jeke kásiporyn Lılo kentinde ornalasqan. Jergilikti bılik ókilderiniń málimetterine qaraǵanda, kásiporyn ıran kompanııasyna tıesili. Ýly hımıkat tógilgen aýmaq qorshaýǵa alyndy, jedel járdem brıgadasy men órt sóndirý qyzmeti jáne polıtsııa qyzmetkerleri oqıǵa ornyna attandyryldy.
Grýzııa Prezıdenti Mıhaıl Saakashvılı jáne eldiń densaýlyq saqtaý mınıstri Zýrab Chıaberashvılı aýrýhanaǵa jatqan jábirlenýshilerdiń qal-jaǵdaıyn surap qaıtty. Tbılısıdiń tótenshe jaǵdaılar jónindegi basshysy Temýr Gıorgadze málim etkendeı, qazirgi ýaqytta apattyń saldary tolyǵymen joıyldy. Isanı-Samgorsk aýdanynyń ákimshiliginen habarlanǵandaı, kásiporynnyń aýmaǵyna tıesili aýanyń synamasy turǵyndardyń ómirine esh qaýip joq ekendigin kórsetti.
