7 jyldyq Prezıdent mandaty saıası básekelestikti damytýǵa múmkindik beredi – Máýlen Áshimbaev
«Barlyq máseleni naqty aıqyndaý úshin Májilis depýtattary aldaǵy saılaýdy jańa norma boıynsha ótkizý bastamasyn kóterip otyr. ıAǵnı Prezıdentti jeti jyldyq merzimge saılaý usynyldy. Osy oraıda aldaǵy ýaqytta túrli túsinikteme bolmas úshin bul saılaýdy jańa formatta ótkizý bastamasy jasaldy. Jeti jyldyq merzim boıynsha norma ne úshin usynylyp otyr? Jalpy, álemdik tájirıbede saılanǵan Memleket basshysy basymdyqqa ıe bolady. Álemdik tájirıbe boıynsha saılanǵan prezıdentter bul orynda 10 jyl qyzmet etedi», - dedi M. Áshimbaev Senattyń jalpy otyrysynan keıin tilshiler saýalyna jaýap bere otyryp.
Onyń paıymynsha, aldaǵy ýaqytta bir adamnyń qolynda bıliktiń shoǵyrlanýyn shekteý úshin Memleket basshysy Qzaqstanda Prezıdentti bir merzimge saılaý bastamasyn usyndy. Prezıdent mandatynyń uzaqtyǵy 7 jyldyq bir merzimmen shekteledi.
«Osy strategııalyq normaǵa durys qaraý kerek. Bul rette Qazaqstanda básekeles saıası orta qalyptastyrýǵa múmkindik jasalady. ıAǵnı bılikti monopolızatsııalaý qaýpin azaıtady. Eger álemde bul merzim 10 jyl bolsa, bizde 7 jylmen shekteledi. Osy merzim saılaý aldyndaǵy baǵdarlamany júzege asyrýǵa, halyqqa bergen ýádeni oryndaýǵa, iri jobalardy iske asyrýǵa jetkilikti dep oılaımyn. Sondyqtan bul norma Qazaqstandaǵy saıası reformalar baǵdarlamasynyń bir bóligi», - dedi Senat tóraǵasy.
Bul turǵyda M.Áshimbaev 7 jyldyq prezıdenttik merzimdi qoldaıtynyn aıtty.
Budan buryn habarlanǵandaı, Senat tóraǵasy aldaǵy saılaýda Parlamentke, Úkimetke jańa adamdardyń kelýine múmkindik bolatynyn aıtty.
Bıyl qyrkúıek aıyndaǵy Joldaýynda Memleket basshysy aldaǵy kúzde kezekten tys Prezıdent saılaýyn ótkizýdi usyndy .
«Eski tásil boıynsha saılanǵan bıliktiń ókildi organdarynyń kezekten tys saılaý naýqany arqyly jańarýy zańdylyq. Sondyqtan Májilistiń jáne barlyq deńgeıdegi máslıhattardyń saılaýyn kelesi jyldyń birinshi jartysynda ótkizýdi usynamyn», - dedi Qasym-Jomart Toqaev.
Ashyq kózderden alynǵan foto
