7 jylda jalaqy boıynsha merzimi ótken bereshek kólemi 42,5 esege azaıdy

ASTANA. KAZINFORM - 2009 jyldan bastap respýblıkanyń kásiporyndarynda jalaqy boıynsha qaryzdardy anyqtaý men ony óndirý jóninde memlekettik organdardyń qabyldaǵan júıeli sharalarynyń nátıjesinde bereshek kólemi 42,5 eseden astam azaıdy. Bul týraly QR Densaýlyq saqtaý jáne áleýmettik damý mınıstrliginen habarlady.

Atap aıtqanda, 2009 jyly merzimi ótken qaryzdyń kólemi (3 aıdan asa) 4,6 mlrd. teńge bolsa, 2016 jylǵy mamyr aıyndaǵy málimet boıynsha 108,2 mln. teńgeni qurap otyr.

Sonymen qatar, atalǵan merzimde aımaqtardaǵy memlekettik eńbek ınspektsııasynyń júrgizgen tekserýleri nátıjesinde, (106 myńnan astam tekseris) 435 myńnan astam qyzmetkerlerdiń quqyǵy qorǵalyp, olarǵa tıesili 46,5 mlrd. teńge tólemaqy qaıtaryldy. 

«QR DSÁDM mamandary jergilikti atqarýshy organdarmen birlese otyryp, eńbek daýlary týyndaý táýekelderine, qyzmetkerlerdiń qysqartylýy men jumystan bosatylýyna jáne jalaqynyń ýaqytyly tólenýi boıynsha turaqty negizde baqylaý júrgizýde»,-delingen mınıstrlik málimetinde.