7 jyl boıy alıment tólemegen boryshkerdiń bas bostandyǵy shekteldi
ASTANA. KAZINFORM — Alıment tóleýge múmkindigi bar ol 7 jyl boıy tólemegen.
2024 jyldyń 2 qyrkúıeginde Baızaq aýdanynyń prokýratýrasy kámeletke tolmaǵan balalardy alıment tóleýden qasaqana jaltarǵan «N» azamatyna qatysty QK-tiń 139-baby boıynsha sotqa deıingi tergep-tekserý bastalǵan.
Alıment tóleýge múmkindigi bar ol 7 jyl boıy óz mindetterin oryndamaı, áreketsizdik tanytqan.
2018 jyldan beri bereshek somasy 12,6 mln teńge.
— Jambyl oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń 2025 jylǵy 25 sáýirdegi úkimi boıynsha boryshker QK-tiń 139-baby boıynsha kináli dep tanylyp, 1 jyl merzimge bas bostandyǵyn shekteý túrindegi jaza taǵaıyndaldy, — delingen habarlamada.
Úkim zańdy kúshine engen joq.
Aıta ketelik SQO-da bıyl alıment boıynsha toǵyz boryshker qylmystyq jaýapkershilikke tartylǵan edi.