7 jeltoqsanǵa arnalǵan aýa raıy boljamy
ASTANA. QazAqparat -«Qazgıdromet» RMK 7 jeltoqsanǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóligi antıtsıklonnyń yqpalynda bolady, aıazdy jaýyn-shashynsyz aýa raıy bolady. Tek respýblıkanyń batys aýdandarynda frontaldi bólikterdiń ornalasqan aımaǵynda, munda keı jerlerde jaýyn-shashyn, kóktaıǵaq bolyp, ońtústikte, shyǵysta jáne ortalyqta jel saqtalady.
Respýblıkanyń basym bóliginiń keı jerlerinde tuman kútiledi. Qyzylorda oblysynyń keı jerlerinde tuman, jel 15-20 m/s jyldamdyqpen soǵady.
Jambyl, Qaraǵandy oblystarynyń keı jerlerinde tuman kútiledi, kúndiz jel 15-20 m/s kúsheıedi. Almaty oblysynda túnde keı jerlerde tuman kútiledi, jekelegen aýdanynda jeldiń ekpini 25 m/s jetedi.
Túrkistan, Soltústik Qazaqstan, Qostanaı oblystarynyń keı jerlerinde tuman kútiledi. Mańǵystaý, Atyraý, Batys Qazaqstan oblystarynyń keı jerlerinde tuman, kóktaıǵaq bolady.
Shyǵys Qazaqstan oblysynyń keı jerlerinde tuman kútiledi, jekelegen aýdanynda jel 15-20 m/s deıin soǵady.
