7 jeltoqsanda respýblıkadaǵy qaı joldarda shekteý bar

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Aqmola oblysy

Respýblıkalyq mańyzy bar «KAZ02 Astana — Kókshetaý (aınalma jol) — Petropavl — RF shekarasy (Jańa Jol ótkizý pýnkti)» avtojolynyń 18-231-shaqyrym aralyǵynda kóliktiń barlyq túri úshin jyldamdyq shekteýi 110 shaq/saǵ-tan 80 shaq/saǵ-qa deıin tómendetildi.

Qaraǵandy oblysy

Qaraǵandy oblysynda aýa raıynyń nasharlaýyna baılanysty respýblıkalyq mańyzy bar «KAZ01 Astana — Qaraǵandy — Almaty» avtojolynyń 92-164-shaqyrym aralyǵynda (Anar stansasynan Temirtaý qalasyna deıin) kóliktiń barlyq túri úshin jyldamdyq shekteýi 140 km/saǵ-tan 110 km/saǵ-qa deıin tómendetiledi.

Pavlodar oblysy

«Astana — Shiderti — Pavlodar — Ýspenka — RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.

Soltústik Qazaqstan oblysy

«Tımırıazevo — Sarykól — oblys shekarasy» avtojolynyń 0-30-shaqyrymynda (Qostanaı oblysy shekarasy — Tımırıazevo aýyly) júk kólikteriniń qozǵalysyna shekteý bar.

Shyǵys Qazaqstan oblysy

Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.

Eske salaıyq, buǵan deıin 6 jeltoqsanda eki oblystaǵy avtojol ýchaskelerinde aýa raıynyń nasharlaýyna baılanysty qozǵalys shektelgenin jazǵanbyz.