7 jeltoqsanda ІІ Astana ınternet forýmy ótedi
ASTANA. 27 qyrkúıek. QazAqparat - Bıylǵy, ıaǵnı ІІ Astana ınternet forýmy jeltoqsannyń 7-sinde ótedi dep josparlanyp otyr.
Bul týraly búgin Astanada ótken baspasóz máslıhatynda Qazaqstan blogerler odaǵynyń prezıdenti Danııar Zakıraev aıtty.
Onyń málimetinshe, sharaǵa shamamen 150-200 adam qatysady.
«Forýmda 12 spıker bolady. Atap aıtar bolsaq, QazNetke tanymal Ashat Erkinbaı, Batyr Hamzauly, Dinmuhamed Zııadın jáne taǵy basqalar tájirıbelerimen bólisedi», - dedi D. Zakıraev.
Forýmda negizinen ІT, jańa medıa týraly sóz qozǵalady. Alaıda negizgi taqyryp saıtty monetızatsııalaý jaıynda bolmaq. Jáne osyǵan salalas taqyryptar, ıaǵnı SMM, kontent toltyrý sııaqty máselelerdiń de qyr-syry ashylady.
«Búginde forýmǵa qatysty barlyq aqparattar salynatyn arnaıy saıt daıyndalyp jatyr. Onyń bir bóliminde forýmǵa tirkelý joldary kórsetiletin bolady. Árbir adam sol saıtqa tirkelip, forýmǵa qatysa alady», - dep atap ótti ol.
