7 jeltoqsan. Týǵan kún ıeleri

NUR-SULTAN. QazAqparat – QazAqparat 7 jeltoqsanǵa arnalǵan «Týǵan kún ıeleri» kúntizbesin usynady.

ESІMDER

80 jyl buryn (1941) QR Ulttyq Ǵylym akademııasynyń prezıdenti Murat Jurynuly JURYNOV dúnıege keldi.

Ońtústik Qazaqstan oblysynyń Arys qalasynda týǵan. Qazaq hımııa-tehnologııalyq ınstıtýtynda aǵa oqytýshy, kafedra meńgerýshisi, fakýltet dekany bolyp qyzmet atqardy (1970-1982). 1982 jyldan - Qaraǵandy memlekettik ýnıversıtetiniń prorektory. 1985 jyldan Qazaqstan Ǵylym akademııasynyń Organıkalyq sıntez jáne kómir hımııasy ınstıtýtynyń dırektory.

1991 jyldan Q.A.ıAssaýı atyndaǵy Túrkistan memlekettik ýnıversıtetiniń rektory.

1997-2001 jyldary Q.A.ıAscaýı atyndaǵy Halyqaralyq qazaq-túrik ýnıversıtetiniń prezıdenti.

2001 jyly Bilim jáne ǵylym mınıstrliginiń «Organıkalyq katalız jáne elektrohımııa» ınstıtýtynyń dırektory qyzmetine aýysty.

Hımııa ǵylymdarynyń doktory, professor, Qazaqstan Respýblıkasynyń Ulttyq ǵylym akademııasynyń múshesi (1989), «Parasat» (2005 j.), «Barys» (2011 j.) ordenderimen jáne memlekettik medaldarmen marapattalǵan.

Ol - Ońtústik Qazaqstan oblysynyń, AQSh-tyń Kentýkkı shtatynyń, sondaı-aq Arys, Túrkistan, Kentaý jáne t.b. qalalardyń qurmetti azamaty.

72 jyl buryn (1949) memleket qaıratkeri, QR Parlament Senaty janyndaǵy Senatorlar keńesiniń múshesi Lázzat Ketebaıuly QIYNOV dúnıege keldi.

Mańǵystaý oblysy Taýshyq aýylynda týǵan.

1971 jyly V.I. Lenın atyndaǵy Qazaq polıtehnıkalyq ınstıtýtyn bitirgen, taý-ken ınjeneri.

Tehnıka ǵylymynyń doktory (1994).

Doktorlyq dıssertatsııasynyń taqyryby: «Batys Qazaqstan ken oryndary jaǵdaıynda munaı óndirýdiń energııa saqtaýshy tehnologııasy». Halyqaralyq akademııanyń akademıgi.

1977-1979 jyldary partııanyń Mańǵyshylaq oblystyq komıtetinde ónerkásip-kóliktik bóliminde ınstrýktor bolyp jumys istedi.

1979 jyly «Mangyshlakneftepromhım» aýmaqtyq-óndiristik basqarmasynda bas ınjener bolyp jumys istedi.

1982 jyly Qarajanbas qabattardyń munaı qaıtarymyn arttyrý jáne uńǵymalardy kúrdeli jóndeý boıynsha basqarmanyń basshysy jáne «Karajanbastermneft» munaı qazba basqarmasynyń basshysy qyzmetin atqardy.

1987 jyly «Komsomolskneft» munaı qazba basqarmasynyń basshysy qyzmetin atqardy.

1992 jyly «Mangyshlakneft» óndiristik birlestiginiń bas dırektory bolyp jumys istedi. 1993-1995 jyldary Mańǵystaý oblysy ákimshiliginiń basshysy boldy.

1995 jyly Qazaqstan Respýblıkasy Munaı jáne gaz ónerkásibi mınıstriniń orynbasary boldy. 1997 jyly Kaspıı qubyry konsortsıýmynda Bas dırektordyń orynbasary bolyp jumys istedi.

1999-2002 jyldarynda Mańǵystaý oblysynyń ákimi. 2002 jyly «Qazmunaıgaz» ulttyq kompanııasy» JAQ Prezıdenti.

2003 jyldyń naýryz aıynan 2011 jyldyń jeltoqsan aıyna deıin Qazaqstan Respýblıkasy energetıka jáne mıneraldy resýrstar vıtse mınıstri bolyp jumys istedi.

2011-2013 jyldary «Qazmunaıgaz» UK» AQ Basqarma tóraǵasy boldy.

2013 - 2017 jyldary Qazaqstan Respýblıkasy Parlamenti Senatynyń depýtaty.

«Parasat», «Otan» ordenderimen jáne medaldarmen marapattalǵan.