7 jeltoqsan. Týǵan kún ıeleri
Búgin, 7 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
82 jyl buryn (1941) hımııa ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi Murat Jurynuly JURYNOV dúnıege keldi.
Ońtústik Qazaqstan oblysynyń Arys qalasynda týǵan.
Eńbek joly: 1970-1982 jyldary Qazaq hımııa-tehnologııalyq ınstıtýtynda aǵa oqytýshy, kafedra meńgerýshisi, fakýltet dekany bolyp qyzmet atqardy. 1982-1985 jyldary Qaraǵandy memlekettik ýnıversıtetiniń prorektory, 1985-1991 jyldary Qazaqstan Ǵylym akademııasynyń Organıkalyq sıntez jáne kómir hımııasy ınstıtýtynyń dırektory, 1991-1997 jyldary Q.A. ıAsaýı atyndaǵy Túrkistan memlekettik ýnıversıtetiniń rektory bolyp eńbek etti. 1997-2001 jyldary Q.A. ıAsaýı atyndaǵy Halyqaralyq qazaq-túrik ýnıversıtetiniń prezıdenti, 2001-2007 jyldary Bilim jáne ǵylym mınıstrliginiń «Organıkalyq katalız jáne elektrohımııa» ınstıtýtynyń dırektory, 2010-2014 jyldary Qazaq-Brıtan tehnıkalyq ýnıversıtetiniń ǵylym boıynsha prorektory, 2003-2023 jyldary QR Ulttyq Ǵylym akademııasynyń prezıdenti boldy.
Hımııa ǵylymdarynyń doktory, professor, Qazaqstan Respýblıkasynyń Ulttyq ǵylym akademııasynyń múshesi (1989), «Parasat» (2005 j.), «Barys» (2011 j.) ordenderimen jáne memlekettik medaldarmen marapattalǵan.
Ońtústik Qazaqstan oblysynyń, AQSh-tyń Kentýkkı shtatynyń, sondaı-aq Arys, Túrkistan, Kentaý jáne t.b. qalalardyń qurmetti azamaty.
74 jyl buryn (1949) memleket qaıratkeri, QR Parlamenti Senaty janyndaǵy Senatorlar keńesiniń múshesi Lázzat Ketebaıuly QIYNOV dúnıege keldi.
Mańǵystaý oblysy Taýshyq aýylynda týǵan. 1971 jyly V.I. Lenın atyndaǵy Qazaq polıtehnıkalyq ınstıtýtyn bitirgen, taý-ken ınjeneri. Tehnıka ǵylymynyń doktory.
Eńbek joly: 1977-1979 jyldary partııanyń Mańǵyshlaq oblystyq komıtetinde ónerkásip-kóliktik bóliminde nusqaýshy bolyp jumys istedi.1979-1982 jyldary «Mangyshlakneftepromhım» aýmaqtyq-óndiristik basqarmasynda bas ınjener boldy. 1982-1987 jyldary Qarajanbas qabattardyń munaı qaıtarymyn arttyrý jáne uńǵymalardy kúrdeli jóndeý boıynsha basqarmanyń basshysy jáne «Karajanbastermneft» munaı qazba basqarmasynyń basshysy qyzmetin atqardy. 1987-1992 jyldary «Komsomolskneft» munaı qazba basqarmasynyń basshysy, 1992-1993 jyldary «Mangyshlakneft» óndiristik birlestiginiń bas dırektory bolyp jumys istedi. 1993-1995 jyldary Mańǵystaý oblysy ákimshiliginiń basshysy boldy. 1995-1997 jyldary Qazaqstan Respýblıkasy Munaı jáne gaz ónerkásibi mınıstriniń orynbasary, 1997-1999 jyldary Kaspıı qubyry konsortsıýmynda Bas dırektordyń orynbasary bolyp jumys istedi. 1999-2002 jyldary Mańǵystaý oblysynyń ákimi, 2002-2003 jyldary «Qazmunaıgaz» ulttyq kompanııasy» JAQ prezıdenti, 2003-2011 jyldary Qazaqstan Respýblıkasy energetıka jáne mıneraldy resýrstar vıtse mınıstri, 2011-2013 jyldary «Qazmunaıgaz» UK» AQ Basqarma tóraǵasy qyzmetterin atqardy. 2013-2017 jyldary Qazaqstan Respýblıkasy Parlamenti Senatynyń depýtaty boldy.
«Parasat», «Otan» ordenderimen jáne medaldarmen marapattalǵan.
55 jyl buryn (1968) QR jeńil atletıka federatsııasy atqarý komıtetiniń múshesi Eldar Rashıtovıch TABANOV dúnıege keldi.
Almaty qalasynda týǵan. Almaty halyq sharýashylyǵy ınstıtýtyn bitirgen.
Eńbek joly: 2001-2003 jyldar aralyǵynda «Astana-energoservıs» AAQ basqarma tóraǵasy qyzmetin atqardy, 2004-2005 jyldary Qazaqstan Respýblıkasynyń Reseı Federatsııasyndaǵy Saýda ókilettiginiń Keńesshisi boldy. 2005-2007 jyldar aralyǵynda Qazaqstan Respýblıkasy Premer-Mınıstri Kantselıarııasynyń óndiris salasy men ınfraqurylym bólimshesiniń meńgerýshisi bolyp jumys istedi.
2007 jyly Qazaqstan Respýblıkasy Premer-Mınıstriniń Keńesshisi qyzmetin atqardy, 2007-2008 jyldary «Qazaqstan Temir Joly» UK» AQ magıstraldi temirjol jelisi departamenti dırektorynyń orynbasary boldy. 2008-2009 jyldary Qazaqstan Respýblıkasynyń Reseı Federatsııasyndaǵy Elshiligi Keńesshisi bolyp qyzmet atqardy, 2009-2011 jyldary «TsesnaBank» basqarma tóraǵasy apparatyn basqardy, 2011-2012 jyldary QR Qorǵanys mınıstri keńesshisi boldy. 2013-2015 jyldary «Vodokanalproekt» AQ prezıdenti mindetin atqardy, 2015-2016 jyldary «Astana» ÁKK UK AQ basqarma tóraǵasynyń orynbasary, 2016-2017 jyldary «Astana» ÁKK UK AQ basqarma tóraǵasynyń keńesshisi boldy. 2017 jyldan beri «City Box» JShS dırektory.
Ár jyldary mynadaı qyzmetter atqardy: «Astana-nedvıjımost» AQ dırektorlar keńesiniń tóraǵasy, «SAK Inshýrans» Saqtandyrý kompanııasy» AQ dırektorlar keńesiniń múshesi, («Tsesna Garant» saqtandyrý kompanııasy), «SAK Inshýrans» Saqtandyrý kompanııasy» AQ, «PAVLODARENERGO» AQ, «SEVKAZENERGO» AQ, «Aqmola Elektrjelilik Úlestirý Kompanııasy» AQ táýelsiz dırektory.
52 jyl buryn (1971) Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi Magerram Mamedovıch MAGERRAMOV dúnıege keldi.
Almaty oblysynda týǵan. 2009 jyly akademık Ó.A. Joldasbekov atyndaǵy ekonomıka jáne quqyq ınstıtýtyn «zańger» mamandyǵy boıynsha bitirgen.
Eńbek joly: 1992-1993 jyldary «Tahmına» ShJK ekspedıtory, 1993-1994 jyldary «Trabzon» ShJK dırektory, 1995-2000 jyldary jeke kásipker boldy. 2000-2001 jyldary «Zarına» sharýa qojalyǵynyń dırektory, 2001-2004 jyldary QKP OK múshesi, Almaty oblystyq komıtetiniń birinshi hatshysy, 2004-2012 jyldary QHKP OK Saıası bıýrosynyń múshesi, QHKP Almaty oblystyq komıtetiniń birinshi hatshysy qyzmetterin atqardy. 2012-2015 jyldary QHKP OK Uıymdastyrý-partııa jáne kadr jumysy bóliminiń meńgerýshisi, QHKP OK Saıası bıýrosynyń múshesi boldy. QHKP Almaty qalalyq komıtetiniń birinshi hatshysy, QHKP OK Saıası bıýrosynyń múshesi.
37 jyl buryn (1986) Almaty oblysy ákiminiń orynbasary Rýstam Maratuly ISATAEV dúnıege keldi.
Semeı qalasynda týǵan. 2008 jyly Ulybrıtanııanyń Darem ýnıversıtetinde «ekonomıka», 2021 jyly AQSh-tyń Garvard ýnıversıtetinde «Memlekettik basqarý magıstri» mamandyqtary boıynsha bilim alǵan.
Eńbek jolyn 2008 jyly Qazaqstan Respýblıkasy Ekonomıka jáne bıýdjettik josparlaý mınıstrliginiń Makroekonomıkalyq taldaý jáne josparlaý departamentiniń bas sarapshysy bolyp bastady. 2009-2012 jyldary QR Premer-Mınıstriniń keńesshisi qyzmetin atqardy. Kelesi eki jyl QR Prezıdenti Ákimshiliginiń Syrtqy saıasat ortalyǵynyń keńesshisi bolyp jumys istedi. 2014-2018 jyldary QR Prezıdenti Ákimshiliginiń memlekettik ınspektory laýazymynda jumys istedi. 2018-2019 jyldary «Kazakh Invest» Ulttyq kompanııasy» AQ basqarma tóraǵasynyń orynbasary, 2019-2020 jyldary QR SІM Investıtsııalar komıtetiniń tóraǵasy boldy. Keıinnen jeke qurylymdarda jumys istedi.
2023 jylǵy mamyr aıynan qazirgi qyzmetin atqaryp keledi.
