7 jasynan óleń jazǵan oqýshy Qalıjan Bekqojın oqýlarynyń jeńimpazy atandy

ASTANA. QazAqparat - Pavlodarda aqyn Qalıjan Bekqojın rýhanı murasyn oqýshylar arasynda keńinen nasıhattaý maqsatynda ótken ІH baıqaýda bas júldeni jeńip alǵan № 38 mekteptiń 9-synyp oqýshysy Gúlnar Janbolat jeti jasynan bastap óleń jaza bastaǵan, dep habarlaıdy pavlodarnews.kz.

 Qalalyq bilim berý bóliminiń málimetinshe, Q.Bekqojın atynaǵy № 12 mektebinde jalpy bilim berý oqý oryndarynyń 5-9 synyp oqýshylary arasynda uıymdastyrylǵan baıqaýda eki atalym boıynsha 53 oqýshy baq synaǵan. Balalar aqynnyń óleńderin jatqa aıtyp, jas daryndar óz týyndylaryn oqydy. - Gúlnar Janbolat HІ qalalyq Abaı jáne Mahambet jáne Qalıjan oqýlarynda bas júldeni ıelense, stýdentter arasynda ótken Máshhúr-Júsip oqýlarynda alǵys hatpen marapattaldy. Sondaı-aq, dombyra tartyp, án salady. Ádebı kitaptardy kóp oqıdy, qazaq ádebıeti klassıkteriniń shyǵarmalaryn pir tutady, - deıdi bilim berý bóliminiń mamany Baljan Ádilhanova.

Aıta keterligi, qazylar alqasynyń sheshimi boıynsha barlyǵy segiz oqýshy júldeli oryn alǵan. Olardyń ishinde № 38 JOM 8-synyp oqýshysy Satbol Erdos, № 20 lıtseı-mektebiniń 9-synyp oqýshysy Ásııa Sadyqova, № 35 JOM 6-synyp oqýshysy Ásel Nurhanova, «Stıks» JOM 6-synyp oqýshysy Bogdan Boretskıı, № 37 JOM 8-synyp oqýshysy Aısana Ýsahanova, № 12 JOM 7-synyp oqýshysy Baýyrjan Saıabekov jáne № 24 JOM 6-synyp oqýshysy Dıana Rezýanova bar.