7 jastaǵy balanyń zorlanǵany rastalsa qyzmetimnen ketemin - Bilim bóliminiń basshysy
ShYMKENT. QazAqparat - Ońtústik Qazaqstan oblysyndaǵy 7 jasar balany zorlaý deregine qatysty oblystyq bilim basqarmasy men Saryaǵash aýdandyq bilim bólimi, Saryaǵash aýdany ákimdiginiń basshylyǵy baspasóz máslıhatyn ótkizdi. Jıynda aýdandyq bilim bóliminiń basshysy Baýyrjan Maırıhov atalǵan mektepte zorlaý oqıǵasynyń bolmaǵanyn aıtyp, ol tıisti saraptama qortyndysymen dáleldengenin alǵa tartty, dep habarlaıdy QazAqparat tilshisi.
Baýyrjan Qýanyshulynyń sózinshe, zorlanǵan jáne kúdikke ilingen oqýshylar ótken jyldyń tamyz aıynda sýda shomylyp júrip, tóbelesip qalǵan. Bolǵan oqıǵa boıynsha 7 jasar balanyń ájesi jergilikti ishki ister organdaryna aýyzsha aryzdanǵan. Keıin bul is qysqaryp ketipti. Araǵa birneshe aı salyp baryp, 12 qańtar kúni jábirlenýshi balanyń ájesi polıtsııaǵa taǵy aryzdanǵan.
«Biz bul oqıǵa jóninde 12 qańtarda bildik. Mektepte komıssııa quryp, ishki tekserý sharalaryn júrgizdik. Balany zorlaý deregi rastalǵan joq. Ony tıisti saraptama qorytyndysy da kórsetti. ıAǵnı, alǵashqy saraptama Saryaǵash aýdanynda 19-29 qańtar aralyǵynda júrgizilgen. Endi ekinshi saraptama taǵaıyndalyp otyr. Ol oblys ortalyǵynda júrgizilmekshi. Naqty qaı kúni taǵaıyndalyp, qaı kúni qorytyndysy shyǵatyny jóninde habarymyz joq», -dedi Saryaǵash aýdandyq bilim bóliminiń basshysy.
Bilim qyzmetkerleriniń aıtýynsha kúdikke ilingen oqýshylar buǵan deıin jaman qylyq kórsetip, ishki ister organdaryna esepke alynbaǵan.
«Kúdikke ilingen oqýshylardyń biri 7-sh synypta, ekeýi 8-shi synypta oqıdy. Eki bala voleıbol, bir bala fýtbol úıirmesine qatysady. Sabaqtary ortasha, buryn buzyqtyq jasap esepke de tirkelmegen. Úsheýi de jýas balalar. Eger tıisti saraptama qortyndysy balanyń zorlanǵanyn dáleldese onda men óz qyzmetimnen ketýge daıynmyn»,-dedi Baýyrjan Maırıhov.
Onyń sózinshe, 7 jasar bala 12 aqpannan bastap mektepke barýdan qalypty. Ustazdar onyń ájesine birneshe ret eskertý jasaǵanymen, nátıje shyqpaǵan. Qazir, jábirlenýshi balamen de, kúdikke ilingen oqýshylarmen de mektep psıhologtary jumys istep jatyr. Tártip saqshylary Qylmystyq Kodekstiń 121 baby 4 bóligimen qylmystyq is qozǵaǵan. Ázirge kúdikti retinde 7-8 synyptyń úsh balasy jaýap berip jatyr.
Esterińizge sala keteıik, Saryaǵash aýdanynyń turǵyny Sharıpa Batyrbekova nemeresin joǵary synyptyń oqýshylary birneshe márte zorlap kelgenin aıtqan edi.
Keıýananyń sózinshe, 7 jastaǵy balany 7-8-shi synyptyń oqýshylary jynystyq qatynasqa túsýge májbúrlegen. Bul týraly mektep ákimshiligi men polıtsııaǵa shaǵymdanǵanymen, esh nátıje shyǵara almaǵanyn aıtqan bolatyn. Keıin bul oqıǵa boıynsha Qylmystyq kodeksiniń 121 babynyń 4 bóligimen is qozǵalyp, tergeý amaldary júrgizilýde.
