7 jastaǵy bala eki ret obyrdy jeńdi - FOTO
ASTANA. QazAqparat - Jasy jetige endi tolǵan bala eki ret obyr dertin jeńdi. Ǵalamtorda Lokı degen atpen tanymal Laflın Ýaıtlıge aqpan aıynda sırek kezdesetin leıkemııa dertine shaldyqqany týraly dıagnoz qoıylyp, mıyna ota jasalǵan bolatyn, dep jazady Day.Az.
Sáti túsip, qajetti donor tabylǵan soń Great Ormond Street Hospital aýrýhanasynyń dárigerleri oǵan ota jasady. Sóıtip, balanyń ata-anasyna qýanyshty habardy - Lokıdiń jazylǵany ári úıine qaıtýǵa bolatyny týraly habarlaǵan.
Laflınniń otbasy donordy qajet etetin naýqastarǵa kómekteskisi keletinderge arnap «Unlock a Life for Lockey» uıymyn ashqan. Oǵan donor bolamyn degen adamdar habarlasyp, kómekke zárý naýqastarmen baılanysqa shyǵa alady.
Alǵash ret 2011 jyly Laflınniń mıynda qaterli isik bary anyqtalyp, bir ret ota jasalǵan-dy. Al 2013 jyly onyń leıkemııanyń sırek kezdesetin túrine shaldyqqany týraly belgili boldy. Aǵylshyn dárigerleri Laflındi jeti jasynda eki birdeı obyr derti qoıylǵan ári ony jeńip shyqqan alǵashqy bala dep otyr.
