7 jasar qyzdyń ómirin qıǵan jol apaty: avtobýs júrgizýshisi de jazalandy
ALMATY. KAZINFORM - Bul týraly Almaty qalasynyń Polıtsııa departamenti habarlady.
– Tergeý aıasynda oqıǵanyń barlyq mán-jaıy anyqtalyp jatyr. Ár adamnyń is-áreketine quqyqtyq baǵa beriledi, kináliler jaýapqa tartylady. Sonymen qatar jaıaý júrginshiler ótkelinde balaǵa jol bermegen avtobýs júrgizýshisi ÁQBtK-niń 600-baby boıynsha ákimshilik jaýapkershilikke tartyldy. Avtobýs aıyp turaǵyna qoıyldy, - dep habarlady departamentten.
Eske salaıyq, 2 sáýir kúni Almatyda júk kóligi 7 jasar qyzdy basyp ketti. Jol-kólik oqıǵasynan oqýshy qyz mert boldy.
– Ókinishke qaraı, bala oqıǵa ornynda qaıtys boldy. Adamnyń ólimine ákep soqqan jol-kólik oqıǵasy faktisi boıynsha qylmystyq is qozǵaldy. Ol boıynsha saraptamalyq zertteýler júrgiziledi, - dep habarlady departamentten.