7 jasar búldirshin úıinen 230 myń rýbl alyp shyǵyp, balalarǵa taratyp jibergen
ASTANA. QazAqparat - Reseıdiń Chelıabi oblysyndaǵy polıtseıler ózgeshe oqıǵany tergeýde. Kyshtym qalasynda 7 jasar bala úıinde ata-anasy joq kezde kıim salatyn komodtan birneshe býma aqsha taýyp alǵan.
Keıin onyń anasy onda kólik satýdan túsken 400 myń rýbl jatqanyn habarlady.
Ul bala áýeli nebári bir myń rýbl alyp, ony ońdy-soldy «tamaqqa» jaratqan, delingen ІІM-niń Chelıabi oblysy boıynsha MB-nan. Bul aqshanyń qalǵanyn búldirshin úıdiń aýlasyndaǵy qumsalǵyshta oınap júrgen ózge balalarǵa taratyp jiberdi.
Odan keıin úıine qaıtyp oralyp, taǵy bir býma aqshany alyp, qaıtadan balalarǵa taratqan. Odan keıin, ata-anasynan qorqyp, qalǵan aqshany úıiniń mańynda ornalasqan batpaqqa laqtyryp jiberdi.
Aqyry «qoly ashyq balanyń» anasy úıine oralǵanda, shamamen 230 myń rýbldi taba almady.
Ural1.ru saıtynyń habarlaýynsha, ol 32 myń rýbldi batpaqtan alyp shyǵa aldy, keıbir somany aqsha taratylǵan balalardyń esti ana-analary qaıtaryp bergen.
Alaıda ondaı adamdar kóp bolǵan joq: 100 myń rýbldi qaıtarý qıynǵa soǵyp otyr.
