7 jasar bala sý toltyratyn ydysqa kirip, shyǵa almaı qalǵan
TÚRKІSTAN. QazAqparat - Túrkistan oblysynda 7 jastaǵy qyz bala sý toltyratyn ydysqa kirip, shyǵa almaı qalǵan. Ony týystary shyǵara salmaǵan soń, qutqarýshylardy shaqyrǵan, dep habarlaıdy QazAqparat tilshisi.
Túrkistan oblystyq Tótenshe jaǵdaılar departamentiniń málimetinshe, oqys oqıǵa Jetisaı aýdanynyń Atakent eldi mekenindegi úılerdiń birinde bolǵan. Ata-ana qaraýynsyz qalǵan jetkinshek sý toltyrýǵa arnalǵan alıýmınıı qutyǵa denesimen kirip, qystyrylyp qalǵan.
«Avarııalyq-qutqarý jumystaryna Túrkistan oblystyq TJD-nyń 4 qutqarýshysy jumyldyryldy. Qutqarýshylar saǵat 12:30-da arnaıy qurylǵy arqyly konteınerdi kesti, balany jaraqatsyz alyp shyǵyp, ata-anasyna tapsyrdy. Qazirgi ýaqytta balanyń jaǵdaıy turaqty», - delingen habarlamada.
