7 jasar bala ponı satyp alý úshin eki jyl lımonad satqan

Balanyń otbasy daıyndaǵan úı lımonadyn Sebastıan alǵashynda 20 tsentke satqan. Biraq, qala turǵyndary balanyń armanyn estip, balany otbasymen birge jergilikti merekelerge lımonad satýǵa shaqyrǵan, dep habarlaıdy QazAqparat edition.cnn.com saıtyna silteme jasap.

Sonymen birge, fermerler Sebastıannyń otbasyna tegin lımon jetkizip turǵan, al keıbir satyp alýshylar 20 tsenttiń ornynda 100 tsent tólegen.

Nátıjesinde bala eki jyl ishinde úsh myń avstralııalyq dollar jınaǵan. Lımonad satýdan bólek, ol týǵan kúnine, Rojdestvoǵa syılanǵan qarajatty da jınaǵan.

11 qazan kúni ata-anasy Sebastıanǵa Tom esimdi ponıdi satyp aldy. Balanyń anasy Djýlıana Kent balanyń janýarmen alǵashqy kezdesýin beınetaspaǵa jazyp aldy. Sebastıan armanynyń oryndalǵanyna sene almaı, ákesin qushaqtap, baqyttan jylap jiberdi.