7 jáne 9 mamyrda elordada merekelik otshashý bolady

ASTANA. QazAqparat - 7 jáne 9 mamyrda Astanada Qazaqstan Respýblıkasy Qarýly Kúshteriniń 25 jyldyǵy men Ekinshi dúnıejúzilik soǵystaǵy Jeńis kúnine oraı ot shashý ótedi, dep habarlaıdy QR QM baspasóz qyzmeti.

Ot shashý sonaý Ekinshi dúnıejúzilik soǵys kezinen bastap qazirgi ýaqytqa deıin jaraqtandyrýda turǵan jáne Uly Jeńistiń nyshany bolyp tabylatyn  76 mıllımetrli zeńbirekterden artıllerııalyq dúrkin oq atýlarmen júrgiziledi. Salıýt 2 zamanaýı ot shashý qurylǵysynan keremet merekelik ot shashýmen ulasady. Olardyń árqaısysynyń 173 baǵyttaýshysy bar.

Merekelik is-shara, ıaǵnı, Qazaqstan Respýblıkasy Qarýly Kúshteriniń 25 jyldyǵyna oraı artıllerııalyq zeńbirekterden 25 dúrkin oq atylady.  Elorda turǵyndary men qonaqtary aǵymdaǵy jylǵy 7 jáne 9 mamyrda merekelik ot shashýdy Esil ózeniniń jaǵalaýynda saǵat 22.00-de tamashalaı alady.