7 ulttyq kompanııa IPO-ǵa qashan shyǵarylady

ASTANA. QazAqparat - Bıyl 3 ulttyq kompanııa ІRO-ǵa shyǵarylady. Bul týraly búgin Májilistegi Úkimet saǵatynda QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat.

«7 ulttyq iri kompanııany jekeshelendirýge erekshe kóńil bólinip otyr. Olardyń 3-ýi IPO/SPO yqtımal mámilelerine daıyndalýda. Atap aıtqanda, 2018 jyldyń 1-jartyjyldyǵynyń sońyna deıin Qazaqtelekomnyń aktsııalaryn ornalastyrý múmkindigi qarastyrylýda. Sondaı-aq Qazatomónerkásip pen Eır Astananyń aktsııalaryn 2018 jyldyń 4 toqsanyna qaraı IPO-ǵa shyǵarý josparlanýda. Bul rette ornalastyrýlardyń túpkilikti merzimi kompanııalardyń qarjylyq jaǵdaıy, makroekonomıkalyq ahýal, shıkizattyń álemdik baǵalary eskerile otyryp belgilenetin bolady», - dedi Tımýr Súleımenov.

Onyń aıtýynsha, QazMunaıGaz, Samuryq-Energo, Qazposhta jáne QTJ kompanııalaryna qatysty 2019-2020 jyldary júrgizý josparlanyp otyrǵan yqtımal IPO/SPO-nyń túıindi parametrlerin aıqyndaý jumystary júrgizilýde.

«Elimizdiń aktsıonerlik kapıtalynyń ishki naryǵyn damytý jáne onyń ótimdiligin qamtamasyz etý - IPO maqsattarynyń biri. Sondyqtan ulttyq kompanııalardyń aktsııalaryn «Astana» halyqaralyq qarjy ortalyǵynyń alańynda ornalastyrý basym nusqa bolyp tabylady.Bul rette depozıtarııalyq qolhattar (GDR) túrinde sheteldik alańdarda bir mezgilde lıstıng júrgizý nusqasy qaralýda. Bul qosymsha ótimdilikti qamtamasyz etýge múmkindik beredi. Sondaı-aq sheteldik ınvestorlar arasynda aktsııalardyń tartymdylyǵyn joǵarylatady», - dedi mınıstr.